एक क्षण देशासाठी
एक क्षण समाजासाठी
एक क्षण कुटुंबासाठी
आणि एक क्षण स्वतःसाठी
असे चार क्षण जगावे आयुष्यासाठी
एक क्षण बाळपणात
एक क्षण तारुण्यात
एक क्षण गृहस्थीचे
एक क्षण वार्धक्याचे
असे चार क्षण जगावे जीवनाचे
एक क्षण अनुभवाया दुःख
एक क्षण आनंदाया सुख
एक क्षण वाहवया आसवे
एक क्षण चमकावया काजवे
असे चार क्षण जगावे जगण्यासाठी
एक क्षण आई वडीलांकरीता
एक क्षण अर्धागीनी करीता
एक क्षण मुलं आणि नातु करीता
एक क्षण मित्रांकरीता
असे चार क्षण जगावे आनंदाकरीता
एक क्षण शब्दात सांगता
एक क्षण वाक्यात वर्णवता
एक क्षण लेख लिहिता
एक क्षण काव्य करता
असे चार क्षण जगावे गुणगुणता
एक क्षण खेळ खेळला
एक क्षण प्रेम माळला
एक क्षण संसार सोशला
एक क्षण वैराग्य काढला
असे चार क्षण जगावे जगासाठी
एक क्षण तिखट
एक क्षण कडवट
एक क्षण आंबट
एक क्षण गोड
असे चार क्षण जगावे स्वादासाठी
एक क्षण लालसर
एक क्षण निळसर
एक क्षण हिरवट
एक क्षण पिवळसर
असे चार क्षण जगावे चतुरंगासाठी
चार क्षणाचे आयुष्य
चार क्षणाचे जीवन
जगावे सुंदर मनसोक्त
चार चौकार फटकारुन
चतुरंग व चतुरस्त्र
ReplyDelete