चहा चहा

 

सकाळी सकाळी अंथरुणातला चहा

म्हणजे झोपेतून जागे करणारा

आॅफीस मधला पहिला चहा

म्हणजे कामाचा शुभारंभ करणारा

दुपारी दोन वाजताच्या चहा 

म्हणजे थकवा दूर करणारा

संध्याकाळी बिस्किटांबरोबरचा चहा

कामाचा कंटाळा घालवणारा

पाऊस, कांदा भजी अन् गरम चहा

म्हणजे मन आल्हादक करणारा

कडक उन्हाळ्यात घामासह चहा 

म्हणजे गारवा देणारा

कडकडणाऱ्या थंडीत तिच्या बरोबर चहा

म्हणजे परमानंद देणारा

कस्टमर बरोबरचा चहा 

म्हणजे सौदा पटवणारा

साडी दुकानदाराने दिलेला चहा 

म्हणजे खिशा कापणारा

अनुभवी तज्ञांच्या सोबत चहा

म्हणजे आयुष्याची दिशा बदलणारा.

घरी पदार्पण करणाऱ्या पाहुण्यांच्या 

चहा म्हणजे आदर दर्शवणारा

कांदेपोहे सह झुकल्या नजरेने मिळणारा 

चहा म्हणजे विकेट पाडणारा

आणि मित्रांसह कटिंग चहा

म्हणजे खरा जिव्हाळा असणारा