मराठी माय माऊली
मराठी माय माऊली
किती गाऊ गुणगान
संतांची ती शिकवण
जनीची ओवी जाण
ज्ञानेशाची ती ज्ञानेश्वरी
नाचते तुक्या किर्तनी
सातासमुद्रापार भरारी
शोभे ओठी जनता जनी
सागराहून प्रचंड खजिना
समृध्द असे शब्द मोती
कवी लेखक शाहिरांच्या
पोवाड्यातून टपटप बरसती
कविता गझल गीत वा
शृंगारीक रसाळ लावणी
महाराष्ट्रातील गावी गावी
वाटते आम्हां स्वाभिमानी
कथा कादंबरी नाटक आणि
ललित साहित्यातून व्यक्त
थोर लेखकांच्या लेखणीतून
बहरली माय मराठीतून फक्त
©ॐप्रकाश शर्मा
No comments:
Post a Comment
Thanks for the comments