उशी
उशी मी तुझ्या रात्रीची साथी
प्रणयी सप्तरंगी इंद्रधनुष्याची
उशी मी तुझ्या विरहात साक्षी
ओघळणाऱ्या अश्रू धारांची
कधी झाले डोक्याला आधार
तर कधी प्रेम युद्धात ढाल
कधी झाले मी सिमा रेखा
ओलांडून सोडु नये ताल
डोळे मिटून काय पाहिले वा
पडलेली कुजबुज बंद कानावर
कसं सांगू रेशमी तो हळवा स्पर्श
थरथरती गच्च पकड हातांवर
ठेवले सर्व गुपित रम्य प्रेम
प्रणव नटखट तक्रारींचे
चादरीच्या सल करतात
उघड प्रयत्न सांगण्याचे
No comments:
Post a Comment
Thanks for the comments