आर्त साद

 आर्त साद

सांग मनात काय आहे तुझ्या

प्रेमाच्या दोन शब्दात कळु दे

तुझ्या मनातल्या भावना अलगद

हृदयापर्यंत आमच्या पोहोचु दे

सून म्हणून जरी आलीस तु

मुलगी म्हणून रहा सुखात इथे

आयुष्यातील तुझ्या यशासाठी

आशिषाचे  हात शिरावर ठेवु दे

तान्हेल्या तुझ्या लाडक्या पोराला 

अंगा खांद्यावर आमच्या खेळु दे

नको शिरा नको श्रिखंड पुरी 

दाळभात वा खिचडी खावु दे

डोळे भरून येतील तुझे तेंव्हा

मायेच्या पदराने माझ्या पुसू दे

सांग मनात काय आहे तुझ्या

संध्याछायेचा गारवा लाभू दे

साठवणीतल्या आठवणी उपसुन

तुझ्या मांडीवर डोळे मिटू दे

©ॐप्रकाश शर्मा