8 वी व्याख्यान माला २०२४

 *8 वी व्याख्यान माला २०२४*

विशाल अशा भावसार भवनी 

बाग फुलवली सुंदर शब्दांची 

चार दिवसीय व्याख्यानमालेने 

मनावर कोरली छाप विचारांची 

गुंफले प्रथम व्याख्यान पुष्प   

*संदिप देशपांडे* सरांच्या मधुर वाणीने

विनोदाचे गांव फिरवत  

हास्य खळखळत्या झऱ्याने 

*रमेश पडवळां* नी सजवले 

द्वितीय पुष्प नाशिकच्या वारसाचे

जसे गोदा माईचे नाद झंकारले शब्द धारांचे

तृतीय पुष्पात *सुरेश साळुंके* नी दाखविली 

पाऊल वाट आनंदी जीवनाची 

पुन्हा सज्ज झालो आम्ही 

हर्ष मानसी राजयोगानी 

घेऊन सुमधुर सुरांना 

केली उधळण गझलेची 

चौथ्या पुष्पात *शितल ताई* नी 

हृदये भरली आनंदाची

हिंडोळा व्याख्यान स्वप्नांचा 

भिडला मनाच्या आकाशी  

रमले सर्व हर्षाच्या दुनियेत 

विसरले दुःख वास्तवाशी 

व्याख्यानांच्या यशस्वीतेला 

साथ मिळाली आयोजकांना 

आभार लहरी उचंबळल्या 

व्यक्त करत आपल्या भावनांना 

भावसार समाजाने दिला 

वातानुकूलित भवन

वैशाख वणव्यात अनुभव

कुल कुल शितल मन 

*© ओमप्रकाश शर्मा*

साठीची काठी**

 **साठीची काठी**

वळणावरती आयुष्याच्या, 

आली हाती साठीची काठी,  

स्मृतींच्या या सोबतीला, 

अनुभवांची होती माती।

जीवनाच्या ह्या वळणवाटेवर, 

मनाच्या भेटल्या या गाठी,  

आठवणींच्या ओल्या रेषा, झाल्या आनंदाच्या साक्षी।

केसांमध्ये चांदीची, 

माळ आली हळूहळू,  

शब्दांच्या या प्रवासाला, निघाली ओळीने वळू।

कधी सोबतीची हाक, 

कधी एकटेपणाची रास,  

साठीच्या या काठीतुनी, 

उलगडतो हळूहळू प्रवास।

धडपड, हसू, आसू,

किती रंगांचे फुलझाड,  

या वयाच्या काठीतुनी, 

उमलली जीवन बाग।

साठीची काठी आता, 

साथीला नव्या आशा,  

जुने अनुभव, नवे स्वप्न, 

उडू दे नवीन आकाशा।

वय हे अनुभवाचे, 

नव्या पर्वाला आता गाठ,  

साठीची काठी झाली, जीवनाची खरीच वाट।

**साठीची काठी**

साठीची काठी हातात, जीवनाचा नवा अध्याय,  

प्रत्येक पाऊल नवा विचार, प्रारंभाचा नवा साक्षीदार।

बालपणीची खेळणी, तारुण्याची रंगलेली स्वप्नं,  

साठीच्या या काठीत, 

ध्येय जीवनाचं उमगणं।

केसात चांदीची छटा, चेहऱ्यावर सुरकुत्यांची रेखा,  

अनुभवांच्या महासागरात, साठलेली आठवणींचा ठेका।

संपली जीवनाची धावपळ , आला शांतीचा हा काळ,  

साठीची काठी सांगते, 

आयुष्याची ही सायंकाळ।

कधी हसू तर कधी आसू, 

या वयाची गमतीशीर रहाणी,  

स्मृतींच्या या पटलावर, आठवली सुख-दुःखाची कहाणी।

आता चालताना सावकाश, वाट पाहते नवा क्षितिज,  

साठीच्या काठीचा आधार, देतो नव्या स्वप्नांना तेज।

शिकवले जे जीवनाने, तेच आता मर्म,  

साठीची काठी सांगते, जगण्याचा खरा धर्म।

जुने सोबती, नवी उमेद, पुन्हा जगण्याची आस,  

साठीच्या या काठीतुनी, उभा नव्या आयुष्याचा प्रवास।

साठीची काठी हातात, अनुभवांनी सजलेली,  

जीवनाच्या या नंदादीपात, साठलेली प्रकाशरेषा उजळलेली।

कावळा

 कावळा 

काळ्या काळ्या पंखांचा, चपळ कावळा,

उडता उडता गातो गाणी 

आकाशाचा काळा राजा, धरतीचा कर्कश पाहुणा,

कधी तरी येतो अंगणी.

चिमणीला वाटे कर्कश हा खूप,

पण त्याच्या आवाजात दडलेली आशा.

तुकडे शोधत, 

कचरा चाळत,

अन्नाच्या शोधात फिरतो दूरदूर.

जुन्या झाडांच्या फांद्यांवरती,

बांधतो आपले साधेसे घरटे.

तुफान वाऱ्यातही टिकवतो आधार,

कावळ्याचा हा जीव खरोखर अद्वितीय.

निसर्गाची शाळा, शिकवते त्याला,

सहनशीलता, धैर्य आणि चातुर्य.

असेल तो काळा, पण हृदयाने चांगला,

कावळ्या सांगतो, "सर्वांना जगू दे आनंदाने."

कावळ्या तू, सृष्टीचा सखा,

तुझ्या प्रत्येक उडण्यात आहे प्रेरणा.

तू जगावेस, उडावेस आकाशात मुक्त,

कावळ्या, तूच खरं जीवनाचं गुपित.

कप चहाचा*

 कप चहाचा* 

सकाळी चहाचा सुवास येता,

प्रारंभ दिवसाचा छान होतो।

साखर आल्याचा उष्ण चहा,

शरीरामध्ये ऊर्मी आणतो।

उठवून साखर झोपेतूनी 

उत्साहाने सजीव करतो।

कधी पत्नी, कधी मित्रा सोबत,

सर्वांचा सखा हा चहा बनतो।

गरमागरम वाफेच्या लहरी,

गप्पा टप्पा रंगवतो हसरी।

कामातही तो साथ देतो,

संपूर्ण दिवसाला ऊर्जा देतो।

कडक, गरम आणि गोड,

अमृततुल्य चहाचे क्षण

आयुष्याच्या होतो पाडवा

जेंव्हा सजवतो आठवण 

तोच चहा, तोच आपला मित्र,

तेच जीवनाचं अमृत।

चहाच्या एका घोटात,

समजून येते चहाचे महत्व

*ओमप्रकाश शर्मा*

सहस्त्र चंद्रदर्शी वझरे साहेब* 🌙

 🌙 *सहस्त्र चंद्रदर्शी वझरे साहेब* 🌙

सहस्त्र चंद्रांचे आपण साक्षी,

पिढ्यानपिढ्यांचा हा प्रवास,

आपण केलेली पूर्ण तपस्या

अन् जीवनाचा अनमोल ध्यास,

चंद्राच्या तेजात चमकतोय,

आपल्या कर्तृत्वाचा आभास,

आयुष्याचा गोड इतिहास,

ध्वनित करतो हा आकाश।

सर्वांना होईल प्रेरणादायक आपण अनुभवलेले सारे,

आपल्या आयुष्याचा ठेवा,

सहस्त्र चंद्र अन् नभी तारे,

आपल्या कर्तृत्वाच्या गाथा,

आम्हाला होतील मार्गदर्शक,

अनुभवाचे बोल आणि ज्ञान,

आम्हा सर्वांचे पथदर्शक।

सहस्त्र चंद्रांच्या साक्षीने,

सुरू असलेला हा प्रवास,

आम्हा सर्वांचा आदर्श,

आणि जीवनाचा हा प्रकाश।

आपल्या आयुष्याचा ध्यास,

संघासाठी असे प्रेरणा,

अनुभवांचा सोनेरी प्रकाश,

सर्वां देईल नव्या वाटेची आस।

सहस्त्र चंद्रांचे दर्शन,

यशस्वी जीवनाचा साक्षात्कार,

कर्तृत्वाचा तो ठेवा,

सर्वांना मिळो हा मेवा ।

*©ओमप्रकाश शर्मा*

🌹🌹🌹🌹🌹🌹 

*

डायरी

 *डायरी २३*

मनोहर असे क्षण काही 

अनुभवले पुर्ण वर्षभर 

रंगवली भरभरून स्वप्ने

सुरेख डायरीत पानभर

शब्दांचे फुलपाखरू 

भिरभिरले पानोपानी 

अक्षर मोती अवतरले

मनाच्या अथांग सागरातूनी

भाव विश्वाच्या माती मधूनी 

अंकुरले विचार सोनेरी

विहरले पक्षी गगनी

घेऊन नव्याने उत्तुंग भरारी

कधी सुख दुःखाच्या 

चटक्यांचा झाला मारा

अश्रूंना झेलूनी पृष्ठांवर 

केला दुःखाचा सण साजरा 

सन्मानासवे मिळाली कधी

कौतुकाची थाप पाठीवरी

भरून आलेल्या भावनांनी

डायरीची पाने राहिली कोरी

सिंहावलोकनात बघता

बरेच अनुभव सुखावणारे

आले गेले प्रसंग बहुतेरे 

सांडुन गेले आठवणींचे पसारे

पुन्हा जोशाने भरू या 

जीवनाच्या डायरीची पाने कोरी

सार्थक करण्या आयुष्य 

घेवूया उंच उंच भरारी

*ओमप्रकाश शर्मा*

पहिला पाऊस*

 *पहिला पाऊस*

हरी विश्व संकुलात काळ्याभोर 

मेघांनी पसरवला दाट अंधार

नभांच्या पंचम स्वरात गाजेल

 आता विद्युलतेचा दरबार 

जल धारां मनसोक्त बरसून 

वाजवतील पावसाची धून

तृण पाती न्हाऊन निघतील 

प्रसन्नतेने मेघ मल्हार गाऊन

पावसाचे अमृत कण 

अंगणात सांडतील झरझर  

वृक्षवेलीतून फुटतील मधुर 

पाऊसाचे संगीत भरभर

मातीच्या सुगंधित वाऱ्यावर 

डोलतील फुलझाडे सारे

पाना पानांवर चमकतील 

जलबिंदू जणू नभातील तारे

पावसाचा हा थंड गारवा

तृप्त करेल हरी विश्व सारा

पांडवलेणी तून वाहून निघेल 

नवा आनंदाचा झरा

वरुणराजाची कृपा झाली अन् 

हरी विश्व सोसायटी आनंदली

पुलकित होऊन आसमंत 

पर्जन्य वीणा ही झंकारली

*© ओमप्रकाश शर्मा*