थंडी

 

निशा राणी काळोखाच्या प्रेमात न्हाऊन निघाली

लाजुनी पहाटे हरी विश्वात गुलाबी थंडी सांडुन गेली

 

गुलाबी थंडीत पेटवली शेकोटी

भोवती आप्त मित्रांची टोळी

सांडलेल्या थंडीत हात शेकुन तन मन उष्णता घेऊ लागली

 

सुगंधात धुंद होऊन चंद्र चांदण्याचा सडा टाकू लागला

भिजल्या ऊषा राणीने शेकोटी गितांचा नवरंग उधळला.

 

दव बिंदूत न्हाऊन पाती

लाजत ओली चिंब झाली

शेकोटीची उब घेऊन

शरमेने लाल पिवळी झाली.

थंड थंड थंडीची लाट जरी एक विशेष न्यारी

गुलाबी ह्या थंडीत उबदार शेकोटीची मजाच खरी