विविध पुष्पांना धारण करून
इंद्रधनुषी रंगात धरा ही नटली
जणु काही आकाशातुन
स्वर्गासम सृष्टी अवतरली
मंजुळ कलरव मनोहर
पक्ष्यांची आसमंती गुंजती
वाऱ्याची हळुवार झुळूक
फुलांच्या पाकळ्या चुंबती
सहस्त्र फुलांची चादर
पांघरून अवनी सजली
भ्रमर प्रणव गुंजन गात
सुमनांच्या बाहुत हरवली
सोनेरी रविकिरण मधुचंद्राच्या
रोमहर्षात प्राणी पक्षी झुमती
सृष्टी नववधूचे श्रृंगार घेऊन
सुगंध पसरवत लहरती
No comments:
Post a Comment
Thanks for the comments