आज सकाळी सकाळी मनाला
लागली होती कडक भूक
म्हटलं बघू मनाच्या कप्प्यात
आहे का काही आपसूक
खुशखुशीत शब्द भाजणीची चकली
व तिखट शब्दांची कडबोळी
स्निग्ध शब्द युक्त वरण भात
मस्का ओळीं लावलेली पोळी
उपमा अलंकारांनी सजवलेली
मधुर आठवणींची ती शिदोरी
सरांनी पाठीवर दिलेली कौतुकाची
थाप जशी शब्दांची गोड सांजोरी
आज तोच शब्दांचा खुराक
देतात मनाला जगण्याची शक्ती
हदयात निर्माण करतात अनण्य
अशी निर्गुण निराकार भक्ती
आता शब्दच श्वास शब्दच
पाणी आणि शब्दच अन्न
केवळ जगण्याची आस
म्हणजेच शब्द परब्रह्म
®ॐप्रकाश शर्मा
No comments:
Post a Comment
Thanks for the comments