भाकरी

 भाकरी फिरवताना भलत्यांना 

लागले भरपूर गरम चटके

ताट घेऊन वाट पाहत बसलेले

खात राहिले शब्दांचे फटके

नाही फिरवली भाकर

नाही फिरले घड्याळाचे काटे

नाही पालटले नशीब 

मन मात्र फिरते कमळाच्या वाटे

चुलीत राहिला नाही जाळ

कसा तापणार सत्तेचा तवा

हवेत विरली आता पंतप्रधान 

होण्याची उरली सुरली हवा

जाता जाता जाणता राजा

परत एकदा गुमान थांबला

भाकरी फिरवताना राजा

तवाच थंड करून बसला

ओमप्रकाश शर्मा