भाज्यांची अंगणवाडी
बटाट्याच्या चाळीत सुरू
केली सुंदररीत्या अंगणवाडी
नाजुक भेंडी राणी आली
नेसून हिरवी हिरवी साडी
टाटा करून आला टमाट्या
सोबत मटरुला घेऊन आला
एका पायावर नाचत येऊन
वांग आणि रताळ्या नाचला
आढेवेढे घेत आलं
नाक मुरडत म्हणाले
लिंबु टिंबु आणि मिरची
जवळ जवळ बसले
तोंड दाबून तोंडले
पडवलचा मागे बसले
लाल लाल बिटरुटने
शेपु पालकात फुट केले
मुळातच मुळा हुशार
बसला बाकावर पहिला
तांबडा भोपळ्याचे पाहुन
मोठे पोट आवळा हसला
मेथी आणि कोथिंबिरीची
पहिल्या दिवशी झाली गट्टी
सुरण आणि भोपळा भांडण
करून करून बसले कट्टी
कोबी कारले अन् कंटोळी
सर्व रांगेत एका बसली
साडीतील भेंडी बाईंनी
भाज्यार्थ्यांची हजेरी घेतली
ओमप्रकाश शर्मा
भेंडी बाई काय शिक्षा देतात हे पुढील काव्यात अपेक्षित आहे.
ReplyDelete