का असे वाटते मला
का असे वाटते मला
बोलत रहावं सदा आपल्याशी
व्यक्त करावं सर्व जिव्हाळ्याने
मुक्त करावा मनाचा वारु सर्वांपाशी
का असे वाटते मला
आयुष्याचा अंतिम छंद
गुणगुणावा आपल्या सवे
सप्तसुरांनी कोमल मंद
का असे वाटते मला
इतक्या वर्षांनी खरी मैत्री
सापडली जणू भर उन्हात
मायेची सावली देणारी छत्री
का असे वाटते मला
मधुर क्षण आठवावं
आयुष्यातील सर्व दुःख
विसरून हसत जगावं
का असे वाटते मला
आयुष्याच्या संध्या समयी
आपल्या सर्वांची सोबत
अशीच नेहमी लाभावी
No comments:
Post a Comment
Thanks for the comments