मला कवी होणे जमलं नाही

 

मला कवी होणे जमलं नाही,

भावनेची शाही  प्रेरणेचा पेनात भरणं

मनात उठलेले रोमांच शब्दात पकडणं

शब्दात शब्द गुंफून दोन ओळी लिहणं

हृदयातील प्रेमाचे तरंग कागदावर उतरवणं

जमलं नाही

मला कवी होणे जमलं नाही

 

वेदनेच्या अश्रूंना शब्दात व्यक्त करणं

आनंदी क्षण वेचून कागदावर लिहणं

जिवन प्रसंग कॅनव्हास वर रेखाटणं

ओठावरील अर्धवट वाक्य पुटपुटणं

जमलं नाही

मला कवी होणे जमलं नाही