तुझी नी माझी ती भेट
अजून ही स्मरणात आहे
तन मन आजही त्या
आनंद डोहात आहे
स्पर्श सुखाचा तो सागर
वाट बघतोय क्षणोक्षणी
तुझी नी माझी ती भेट
होईल का पुन्हा एका क्षणी
तुझी नी माझी ती भेट घडली
अनोळखी न तु मला वाटली
जीवन रस पान तुझे
आतुर होते मन माझे
तुझी नी माझी भेट ती
क्षणीक पण अनंत भासणारी
परमानंदाच्या अत्युच्च शिखरावर
नेऊन हृदयात साठवणारी
तुझी नी माझी ती भेट
पाण्यात हळूहळू तरंगत
चांदण्यात आकाशाच्या थेट
तशीच रेशमी स्पर्श आठवत
तुझी नी माझी भेट ती
स्मरते मला पदोपदी
काहुर उठलयं पुन्हा एकदा
ओढ लागुनी मिलन कधीं
तुझी नी माझी भेट ती
आठवणीत अजुनही माझ्या
थरथरत्या स्पर्शाची भाषा
स्मरणात असेल का तुझ्या
No comments:
Post a Comment
Thanks for the comments