होळी

 

ही होळी

कोरोनाचा काळ्या रंगात आली

निराशेने न्हाऊन निघाली होळी

भविष्याचे भाकित करता करत

लाॅकडाउन लावता लावून गेली

गत वर्षीच्या वेदना विसरून

ह्या वर्षीच्या आशा उभ्या करुया

कोरोना हा हुताशनीत जाळून

पुन्हा एकदा धैर्याने तोंड देवु या

नको ते रंग द्वेषाचे

नको ते रंग आक्रोशाचे

नको ते रंग हिंसेचे

नको ते रंग दुःखाचे

नको त्या विविध रंगाच्या छटा

नको त्या रंगीत पाण्याच्या लाटा

इंद्रधनुषी रंगातील आठवणी

उपसून गाल गुलाबी करुया

ही होळी करुया साजरी

आनंदाचा डोहात न्हाऊन

ओंजळ भर संसार सुख

अन् माणूसकीने रंगवून