चिंब चिंब भिजले नाशिक
पारदर्शी पावसाच्या धाऱ्यांनी
भरून तुडुंब वाहत आहे
गोदामाई पाण्याचा लाटांनी
चिंब भिजल्या वाटा अन् रस्ते
न्हाऊन निघाले वृक्ष वेली
चिंबचिंब झाली पानं फुलं
डोंगर घाट न्हाऊन गेली
चिंब चिंब पडत होत्या सरी
चिंब चिंब भिजली वसुंधरा
ओढे नाले अन् नद्या भरली
भिजून गेला आसमंत सारा
'गुलाब' पावसाच्या स्पर्शाने
रमनिय कायाही भिजली
खट्याळ झोंबत वाऱ्याने
एकांतात हसून लाजली
नकोस रे नभा डोळे वटारु
राग वहातोय रे बघ ढगातून
आवर घाल तुझ्या तांडवला
उगाच बळीराजा रडेल बसून
©ॐप्रकाश शर्मा
#पाऊस
#नाशिक
No comments:
Post a Comment
Thanks for the comments