पतंग
पतंग म्हणजे पतंग
आभाळात उर्जा भंडारीला
पाठवलेली आमंत्रण पत्रिका
पतंग म्हणजे आकाश रुपी
मनात भक्तीची दोरीने बांधून
परमात्म्याला निमंत्रण पत्रिका
पतंग म्हणजे आयुष्याच्या नभात
कर्तृत्वाच्या उत्तुंग भरारीची विजय पत्रिका
पतंग म्हणजे उदास हृदयाच्या
पटलावर उत्साहाने दिलेली
प्रसन्नतेची भाव पत्रिका
पतंग म्हणजे जीवनातील नात्याचा
धाग्यांनी बांधलेली
सुंदर सुरेख कुटुंब पत्रिका
पतंग म्हणजे तारुण्यातील हृदय
अर्पण करण्यासाठी लिहिलेलं गुलाबी प्रेमपत्र
पतंग म्हणजे तीळाला
गुळाच्या दोरीने बांधून
गोड बोलण्याचं आग्रह पत्र
पतंग म्हणजे माझ्या कवितेतून
व्यक्त केलेले
मकर संक्रांतीच शुभेच्छा पत्र
*©ॐप्रकाश शर्मा*
No comments:
Post a Comment
Thanks for the comments