*७ वी व्याख्यान माला २०२३*
विशाल अशा भावसार भवनी
बाग फुलवली सुंदर शब्दांची
चार दिवसीय व्याख्यानमालेने
मनावर कोरली छाप विचारांची
गुंफले प्रथम व्याख्यान पुष्प
*अश्विनी ताईं* च्या मधुर वाणीने
बचतीच्या पारंब्या लोंबकळत
विकास साधला गटागटाने
*सतीश वाणीं* नी सजवले
द्वितीय पुष्प कथाकथनांचे
जसे सुरांना छेडिले असता
नाद झंकारले शब्द फुलांचे
तृतीय पुष्पात केले नात्यांचे
सर्व्हिसींग *विश्वास ठाकूरांनी*
पुन्हा सज्ज झालो आम्ही
नाते जोडण्या सुसंवादानी
घेऊन सुगंध फुलांकडुनी
केली उधळण वपु कथांची
चौथ्या पुष्पात *वृंदा ताईं* नी
ओंजळ भरली आनंदाची
हिंडोळा व्याख्यान स्वप्नांचा
भिडला मनाच्या आकाशी
रमले सर्व हर्षाच्या दुनियेत
विसरले दुःख वास्तवाशी
व्याख्यानांच्या यशस्वीतेला
साथ मिळाली आयोजकांना
आभार लहरी उचंबळल्या
व्यक्त करत आपल्या भावनांना
*© ओमप्रकाश शर्मा*
No comments:
Post a Comment
Thanks for the comments